日光嘅地道美食林林種種,全都都同日光山嘅名水有關,好有特色架! 由經典到新築Cafe,全部任君選擇!跟住小編介紹去搵食啦! 不一樣的湯波腐皮 神社文化總會影響到周邊嘅飲食習慣,例如日光就以湯波(腐皮)著名,相傳就係因為湯波係當地僧人嘅主要糧食,加上日光好山好水,造就咗製作豆品同湯波嘅最佳條件。同京都嘅「湯葉」唔同,日光嘅湯波呈波浪形而得名,亦較有口感。喺湯波嘅日本料理專門店,可試到用蒸、煮、炸等唔同手法烹調同調味嘅湯波料理,而日光市內更加有湯波炸饅頭、湯波丼等有趣選擇架!有時間仲可以去參觀埋湯波工場,體驗湯波製作。 名產的手打蕎麥麵 日光被稱為「蕎麥麵街道」,全因哩到唔單上係全日本數一數二嘅高品質蕎麥粉出產地,亦坐擁名水。單喺日光市內,以手打蕎麥而口碑載道嘅店就有多達100間以上。日光蕎麥麵美味嘅秘密,在於材料之外仲因為職人嘅秘傳打麵技巧 ,以將大自然恩賜嘅美味發展至最大限。每年秋天,當地更會舉行「新蕎麥祭」,等大家一齊分享新蕎麥麵嘅美味。 究極之天然冰刨冰 香港人對「天然冰刨冰」或者有啲陌生,但日本人對刨冰嘅熱愛同講究,就衍生咗哩款究極之刨冰嘅出現! 日光嘅刨冰店活用冬日嚴寒嘅天氣,用上天然水喺天然環境中花14至20日,製作出透明而不易溶解嘅冰塊,哩種天然冰可以話係刨冰中最講究嘅選材。現時喺日光無論係遊樂設施、餐廳、Cafe或茶屋,都搵到天然冰刨冰,但有心尋最好嘅話就建議大家到訪傳統冰室,此冰室唔同香港冰室,係專食冰嘅專門店,當中著名嘅「松月冰室」提供逾20款口味,但無論係經典嘅「昔日駄菓子屋」或同時令水果共享,鬆軟即溶嘅刨冰本身先係重點呀!…
- 小編試玩【北海道 Club Med Sahoro 滑雪度假村】 報告
- 日本勁食之旅:鳥取縣食玩懶人包
- [東武鐵道 Tobu Railway] 日光住宿:歷史感十足!特色酒店大公開!
- [東武鐵道 Tobu Railway] 秘境溫泉之旅!日光三大溫泉推介!
- [東武鐵道 Tobu Railway] 蒸氣火車大樹!點都要坐一次!不一樣的火車之旅!
- [東武鐵道 Tobu Railway] 絕美自然景觀!走訪奧日光嘅米芝蓮景點!必睇!
- [東武鐵道 Tobu Railway] 小編帶路造訪神之境!遊遍日光二社一寺!走訪鮮為人知嘅日本神秘境地!
- [附一日乘車券介紹] 鹿兒島市市內交通一覽
- [鹿兒島住宿] 5大鹿兒島溫泉旅館大公開!
- [台北情報]桃園華泰名品城GLORIA OUTLETS 聖誕 GLORIDAY掃貨情報!