Browsing: 東京

[東武鐵道 Tobu Railway] 秘境溫泉之旅!日光三大溫泉推介!

0

下一次旅行去東京,想搵個溫泉好好放鬆身心?與其往南走,不如向北行,去日光發掘秘境溫泉啦! 自古被稱為「東京的奧屋敷」嘅鬼怒川溫泉、秘境川治溫泉、以及因冬日雪屋祭而聞名嘅湯西川溫泉,你又會想去邊一個? 百搭溫泉鄉 日光溫泉之中最著名嘅一定係鬼怒川溫泉。一如其名,溫泉地嘅旅館均沿住鬼怒川嘅河邊而建,喺關東地區知名度可謂係數一數二架!亦係東京人周末小旅行嘅一大選項。嚟到哩到不單止可以坐纜車、喺雪地滑走或者跳入川流衝激流,溫泉鄉附近仲有日光江戶村以及東武世界廣場等遊樂設施及竹久夢二美術館等文化體驗!周末就更有蒸氣火車SL大樹來往鬼怒川溫泉車站及下今市站,無論係熱愛戶外活動、享受文化藝術或一家大小,總有一款活動啱你心意~ 鬼怒川溫泉 地址:栃木県日光市鬼怒川温泉大原 網址:http://nikko-travel.jp/fanti/attract/kinugawa_kawaji.html 登山觀景之選 川治溫泉由江戶時代開湯,作為男鹿川與鬼怒川合流之地,自古以湯治之地而聞名。通稱為「岩風呂」嘅藥師之湯就係溫泉鄉嘅地標。由川治溫泉可以沿散步道參觀著名嘅「龍王峽」,在綠色香氣、川流潺潺嘅山中漫步約7公里,途中仲會見到白龍淵、虹見瀑布及青龍淵等各種奇岩怪石及自然景觀,盡享大自然創作嘅山谷藝術。當地有山有水,當然唔少得大自然孕育嘅美味食材啦!現時更有包括星野集團嘅「界 川治」等高級旅館進駐添呀!…

[東武鐵道 Tobu Railway] 蒸氣火車大樹!點都要坐一次!不一樣的火車之旅!

0

無論係唔係火車迷都好,每次plan行程嘅時候見到有蒸氣火車,都會心動想去坐一次!你係咪都有同感呢?係就要留意小編今次介紹啦! 栃木縣嘅SL大樹相對其他蒸汽火車嚟講比較「年輕」,但約35分鐘嘅行走時間最適合大家觀光之用,而且只能喺車上睇到嘅風光真心非常之難忘! SL之回歸 關於SL大樹,故事要追溯到70幾年前,東武矢板線沿線上行走嘅蒸氣火車擁有「Poppo汽車」係好可愛嘅暱稱~可惜隨住1966年矢板線嘅廢線及各種原因,鬼怒川沿線行走蒸氣火車嘅歷史亦暫告一段落。近年,東武鐵道喺下今市站內發現蒸氣火車專用嘅「轉車台」結構成為契機,重新研究SL復活嘅可能性,而開始從各大鐵路公司「招兵買馬」,得以令蒸氣火車喺2017年夏天重現鬼怒川沿線。 SL大樹行走於下今市站及鬼怒川溫泉站之間,全長約12.4公里,利用兩款日光周遊券均可加購指定席券乘搭。蒸氣火車頭C11-207係1941年出品,現役時及由2000年開始一直喺北海道行走,更曾經係「SL冬之濕原號」嘅一份子。 C11-207作為SL大樹嚟到栃木縣,以周末為主提供來回各3趟車程,當中出現喺轉車台時,更係遊客及鐵路迷最佳打卡位!喺月台上可見進站時嘅英姿,約35分鐘嘅車程內可享受附有小鐵鏟造型湯匙嘅「SL大樹便當」,仲可以影即影即有留念添!同時亦都可以購買SL大樹相關嘅紀念品架!坐車嘅時候記得睇下窗外風景,喺杉並木隧道、農田和河川外,仲不時會見到當地人放低手邊工作向列車揮手,人同鐵道嘅連繫可能就係最美麗嘅風景~   SL大樹 地址:下今市站~鬼怒川溫泉站 網址:http://www.tobu.co.jp/sl/…

[東武鐵道 Tobu Railway] 絕美自然景觀!走訪奧日光嘅米芝蓮景點!必睇!

0

上次小編就介紹咗大家坐特急電車至東武日光站,今次由車站出發向西行,帶你食勻日光米芝蓮餐廳! 行係曾經喺《頭文字D》出現嘅伊呂波坂,攀上奧日光地區,呼吸每一口空氣都特別清新。無他,身處海拔1269米嘅半山之中,氣溫比東京城內涼快8度咁多架! 神山、湖泊同瀑布,大自然係奧日光最好嘅觀光資源,更加受法例保護為不能過度開發之地,難怪一直深受各國駐日領事喜愛,紛紛喺奧日光興建別墅,至今奧日光仍然係各大度假酒店品牌爭相插旗之地,奧日光唔少名勝更獲收入《綠色版米芝蓮指南》之中。 全日本最高湖泊 一抵達奧日光,中禪寺湖嘅一片水色就喺眼前展開。哩個位於過千海拔以上嘅湖泊,喺由約2萬年前男體山嘅爆發而形成,一望無際嘅湖泊一周有成25公里!與男體山組成代表奧日光嘅風景。建議乘上中禪寺遊覽船欣賞四季刻劃的風景,當中就以初夏嘅杜鵑同秋日嘅紅葉最迷人啦! 中禪寺湖遊覽船 地址:栃木県日光市中宮祠2478-21 網址:http://www.tobujapantrip.com/tcn/tourism/nikko_kinugawa/3.html 註:持日光廣域周遊券可免費乘搭 從上至下賞飛瀑…

[東武鐵道 Tobu Railway] 小編帶路造訪神之境!遊遍日光二社一寺!走訪鮮為人知嘅日本神秘境地!

0

由東京出發,喺淺草坐2個鐘嘅特急火車,大家知唔知會去邊到呢? 今次小編帶你用各式周遊券走訪鮮為人知嘅日本神秘境地! 第一站我哋嚟到日光!係哩2小時嘅車程內首先迎接大家嘅係大自然嘅懷抱,以及日光獨有嘅仙氣~ 點解咁講?由於日光得天獨厚嘅地理位置,由鎌倉時代已經因為祭祀日光三山嘅山神而著名,鬼怒川溫泉擁「東京的奧屋敷」嘅美名,加上當時難得一見嘅西式酒店,令日光喺明治時代成為日本最早期嘅海外遊客觀光地,當中世界遺產「二社一寺」更加係日光初心者必遊之地。 紀念名將之地 世界遺產「日光的社寺」當中包括咗日光山內共103楝建築,以日光東照宮、日光輪王寺及日光二荒山神社嘅「二社一寺」為核心,亦係日光王道行程之選。當中,日光東照宮乃祭祀德川家康嘅神社,現存嘅社殿群幾乎全部係為德川第三代將軍家光於1636年建造,極具歷史價值架! 即使對日本史唔熟悉都唔緊要!到訪東照宮嘅時候,都可以由境內各處嘅雕刻中搵到樂趣架!全境共有5,173尊雕塑,可見當時木匠嘅精巧手工。最深入民心一定係神厩舍上「非禮勿視、非禮勿聽、非禮勿言」嘅三猿,唔單止係日光東照宮嘅代表,仲化身成御守造型添呀! 日光東照宮最有睇頭嘅,係經歷平成大修理後重拾光彩、金光閃閃嘅陽明門。哩個高11米嘅樓門上一共刻咗508個雕像,上面不乏表現與中國共通嘅民間名人、習俗同傳說,例如福祿壽、七福神、鐵拐李及鍾離權等八仙及琴棋書畫等,極多色彩且極detail嘅雕刻~甚至有古人認為睇一天都唔會厭呀!所以就有「日暮御門」嘅稱號啦! 即使已經多次到訪,小編都仲係會為陽明門嘅宏偉而驚歎呀!而且每次都可以係境內雕塑中發現新故事,的確係百去不厭嘅世界遺產! 日光東照宮…

[東京特色住宿] 上野御徒町多米酒店、根津影像飯店、淺草旅籠飯店

0

東京市內比較傳統嘅台東區包括左淺草同上野,無論買野食野,定係觀光都非常方便!今次我地會介紹返三間台東區特色住宿,一齊體驗一下東京繁華嘅另一面啦! 1. 上野御徒町多米酒店 (Dormy Inn Ueno Okachimachi) 地址:東京都台東區6-7-22 酒店開業大概兩年,房間空間算大,除左有浴場亦有提供唔少貼心設備,雙人房每晚大約係$731起。…

東京窮遊必去景點: 5個免費觀景台

0

唔少人去東京都會想去觀景台睇吓風景,有冇諗過唔一定要洗錢先至有靚景睇呢?今次我地就精選咗五個免費而且風景好正嘅觀景台,大家下次去東京記得參考返啦! 1. 文京區公所二十五樓 Bunkyo Civic Center 25/F 文京區公所地理位置一流,25樓可以270度睇盡市內景觀,東望Skytree同Dome City遊樂園,西望新宿區摩天大廈同富士山。 (source:…

[新宿站前酒店] 東京新宿格蘭貝爾酒店(Shinjuku Granbell Hotel Tokyo)、新宿王子酒店(Shinjuku Prince Hotel)、門屋酒店(Kadoya Hotel)

0

去東京旅行,想係食玩住各方面都方便嘅話,住喺新宿區係個唔錯嘅選擇。今次我地就揀咗三間鄰近新宿中心幾個鐵路站嘅酒店,同大家分享返住宿體驗。 1. 東京新宿格蘭貝爾酒店 (Shinjuku Granbell Hotel Tokyo) 地址:東京都新宿區2-14-5 呢間酒店喺2013年開業,標準雙人房每晚$942起。…

[Delta Sky Club] 上機前的休閒時光

0

話說小言上次去東京,有機會體驗左下「達美飛凡貴賓室」,即Delta Sky Club。又等我打篇文同大家稍作介紹先! 乘坐頭等艙、「飛凡商務客艙」或者係SkyTeam Elite Plus都可以享用達美飛凡貴賓室。又或者大家可以買單次Visit Pass,售價為US$59。 東京成田機場有兩間「達美飛凡貴賓室」,分別位於1號衛星航廈同2號衛星航廈嘅4樓(入口係3樓)。大家可以按照自己嘅登機閘口,揀個近嘅去。而我去嘅係1號衛星航廈,位置鄰近24號閘口,一上電梯就係啦! 環境寬敞舒適!除各款雜誌外,仲提供《華爾街日報》、《紐約時報》、《今日美國報》等,任君選擇。入面都可以睇到航班資訊。另外,到時到候會有專門廣播,提醒旅客要前往登機閘口。SKY CLUB…

[達美飛東京] 富士山下・民宿初體驗 x 交通攻略

0

今次係由東京入富士山,而去東京就揀左搭達美航空! 達美最正係可以寄2件行李,每件23kg,帶2個喼掃貨冇難度! 【達美飛行體驗】 去程搭DL 274由香港飛往底特律,中停東京成田機場,朝早9:55起飛,日本時間下午3:00到。回程搭DL 275,下午12:25起飛,夜晚9:40到。(留意delta 逢星期四、日係冇航班咖) *達美飛東京航線會係3月26日停飛,而西雅圖航線會係3月27日回復至每日一班 順帶一提,大家搭Delta 可以下載Delta…

[東武鐵道 Tobu Railway] 去日光玩食乜好?小編帶你去搵食!

0

日光嘅地道美食林林種種,全都都同日光山嘅名水有關,好有特色架! 由經典到新築Cafe,全部任君選擇!跟住小編介紹去搵食啦! 不一樣的湯波腐皮 神社文化總會影響到周邊嘅飲食習慣,例如日光就以湯波(腐皮)著名,相傳就係因為湯波係當地僧人嘅主要糧食,加上日光好山好水,造就咗製作豆品同湯波嘅最佳條件。同京都嘅「湯葉」唔同,日光嘅湯波呈波浪形而得名,亦較有口感。喺湯波嘅日本料理專門店,可試到用蒸、煮、炸等唔同手法烹調同調味嘅湯波料理,而日光市內更加有湯波炸饅頭、湯波丼等有趣選擇架!有時間仲可以去參觀埋湯波工場,體驗湯波製作。 名產的手打蕎麥麵 日光被稱為「蕎麥麵街道」,全因哩到唔單上係全日本數一數二嘅高品質蕎麥粉出產地,亦坐擁名水。單喺日光市內,以手打蕎麥而口碑載道嘅店就有多達100間以上。日光蕎麥麵美味嘅秘密,在於材料之外仲因為職人嘅秘傳打麵技巧 ,以將大自然恩賜嘅美味發展至最大限。每年秋天,當地更會舉行「新蕎麥祭」,等大家一齊分享新蕎麥麵嘅美味。 究極之天然冰刨冰 香港人對「天然冰刨冰」或者有啲陌生,但日本人對刨冰嘅熱愛同講究,就衍生咗哩款究極之刨冰嘅出現! 日光嘅刨冰店活用冬日嚴寒嘅天氣,用上天然水喺天然環境中花14至20日,製作出透明而不易溶解嘅冰塊,哩種天然冰可以話係刨冰中最講究嘅選材。現時喺日光無論係遊樂設施、餐廳、Cafe或茶屋,都搵到天然冰刨冰,但有心尋最好嘅話就建議大家到訪傳統冰室,此冰室唔同香港冰室,係專食冰嘅專門店,當中著名嘅「松月冰室」提供逾20款口味,但無論係經典嘅「昔日駄菓子屋」或同時令水果共享,鬆軟即溶嘅刨冰本身先係重點呀!…