有無發現近幾年身邊越黎越多朋友去大阪呢？其中一個原因相信係廉航既出現！加上廉航不時推出各式各樣既優惠(差唔多每一兩星期就有一次)，令到大家都蠢蠢欲動想飛返一轉(我都唔例外)…
提到日本廉航，不得不提捷星日本(Jetstar Japan)，捷星日本係2月28日正式開辦香港飛大阪航線，開航初期每星期有3班往返航班，暑假旺季更增至每星期最多5班，另外6月1日會開辦埋香港飛東京成田航線
唔少Fans會問捷星香港唔係未有牌咩？點解可以開到香港飛大阪同東京航線？呢兩條線其實係由捷星日本開辦，佢係日本國內最大既廉價航空公司，營運18條航線，飛去日本國內11個航點，香港係佢首個國際航點
講講香港飛大阪既航班時間，去程晚機出發，放工後出發最適合不過，回程係晚機返，時間好靚，到香港唔會勁夜，返到屋企仲有時間休息一下
香港飛大阪航班時間：
去程：GK64 21:25-02:05+1
回程：GK63 17:20-20:15
| 日期 | 星期 |
| 即日至2015年7月17日 | 三、五、日 |
| 2015年7月18日至8月7日、8月17日至8月31日 | 一、二、三、四、六 |
| 2015年8月8日至8月16日 | 二、三、六 |
| 2015年9月1日至10月24日 | 二、三、五、日 |
你或者會問去程凌晨兩點先到大阪，仲有無車可以出市區又或者機場附近有咩酒店呢？
想出市區既話，大家可以選擇坐凌晨巴士或者等到接近早上6點坐首班JR或南海電鐵。另外由4月25日開始，仲會加開一班早上五點開出既巴士(單程1,550円)
酒店方面，大家可以考慮離機場五分鐘路程既關西機場日航飯店(Hotel Nikko Kansai Airport)
Agoda：http://www.agoda.com/zh-hk/hotel-nikko-kansai-airport/hotel/osaka-jp.html
Expedia：http://www.expedia.com.hk/Osaka-Hotels-Hotel-Nikko-Kansai-Airport.h34536.Hotel-Information
又或者關西機場華盛頓飯店(Kansai Airport Washington Hotel)，酒店有提供免費shuttle bus，約10分鐘車程
Agoda：http://www.agoda.com/zh-hk/kansai-airport-washington-hotel/hotel/osaka-jp.html
Expedia: http://www.expedia.com.hk/Osaka-Hotels-Kansai-Airport-Washington-Hotel.h1742760.Hotel-Information
先同大家回顧一下呢條航線之前做過既一些Promotion
抵呀！開搶啦！新航線！大阪飛香港單程只需599円 – Jetstar Japan (優惠至12月8日)
開賣啦！大阪飛香港單程只需4,590円 – Jetstar Japan (優惠至1月19日)
勁抵！開搶啦！香港飛大阪單程只需$66 – Jetstar Japan (優惠至2月17日)
今次飛大阪係搭Jetstar Japan星期日既航班 (當時未轉新航季，所以係午機出發，GK62 12:45-17:00)
Jetstar Japan 既check-in counter係香港二號客運大樓 (Terminal 2) P行段
今次同平時坐開既廉航有些不同，登機閘口並唔係5XX，而係44，唔使坐接駁車去登機
Jetstar Japan採用載客量達180 名旅客既A320空中巴士。
飛機內都算寬敞，空姐推餐車時，一般人都仲有空間可以走過
Leg Room亦唔錯，對比另一廉航Peach更加好得多(坐過就明白)！
機上餐點係需要預先購買，價錢劃一為HK$70
午餐同晚餐都有唔少選擇，包括西餐、地方餐點同素食套餐。我坐既航班提供左意粉、漢堡扒、咖哩雞同素菜，共4個選擇
我既飛機餐就係由呢位日本空姐送上
題外話，日本空姐的確好有禮貌，每一個都好有耐性，而且一直微笑同主動幫助每一位乘客！值得讚一讚！
呢次叫左意粉。份量唔太多，不過女仔應該都足夠，每份餐都包括一小包清水。
其他飲品可以係機上直接買得到。當然都唔少得其他輕食同零食。如果同時購買，可以考慮買combo，可以慳50至150 Yen。飛機上亦有售賣Jetstar紀念品，包括可愛吉祥物Jetta。
http://www.jetstar.com/jp/en/what-we-offer/in-flight/~/_media/D0E0932DB0494398A139B794BAF41518.ashx
去得日本旅行，當然會勁買野啦，去程寄艙行李買左15kg；但回程真係記住買多少少，因為訂票時買埋行李既價錢比之後網上加買或到機場先買平得多。
託運行李：
每程15kg $165、20kg $190、25kg $220、30kg $255、35kg $290、40kg $325，不限件數
提提大家，Jetstar既寄艙行李係以重量計算，不限件數，唔似另一日本廉航Peach咁計件收費($260一件20kg以下)，pack行李時就唔駛將所有野塞曬落一個喼到咁麻煩！另外同一訂單中大家可以只係當中一人到加買行李，例如一個人買40kg(單程$325)比起2個人每人單20kg(單程$190×2=$380)平
我飛既時候因為係舊航季，回程時間無咁靚GK61 09:55 – 13:10，新航季晚機返就真係perfect！
第一次坐Jetstar Japan由香港飛大阪，整個體驗都唔錯！希望下次可以搶到平機票坐Jetstar Japan飛東京shopping！
