而家去日本旅行，想上網既話唔少朋友都會買呢張中國聯通同游惠寶所推出既日本富士卡
今次去大阪我都帶左呢張日本富士卡去測試一下！
先講講點解呢張卡會咁受大家歡迎，首要條件當然係價錢夠抵啦！雖然包裝上標價係人民幣198，但實際上唔需要咁貴，今次入手價只需$110，當然係唔同地方買價錢會有所不同，大家可以係深水埗鴨寮街賣電話卡既攤檔(務必行多幾檔格下價)、Yahoo拍賣(keyword:富士卡)、淘寶(keyword:富士卡 3g)買到呢張卡
富士卡有 1.8GB 既日本3g data，另有30MB中國內地data，內地data對香港人黎講無咩用途(坐東航/國航係內地轉機可能用得著)
呢張卡可以用到7日，由開通日開始計，即係一插卡個日已經當第1日，如果去8日，第一日又係晚機既話，不妨忍一忍去到第二朝先開通！留意開通時間係以香港時間計算，即係要等到日本時間凌晨1點先當新一日計算，咪搞錯呀
富士卡除左價錢吸引外，另一賣點就係可以即插即用，今次買呢張(綠色包裝)兼容普通sim卡同micro sim，至於nano sim就要cut卡先用到。市面上有另一隻粉紅色包裝既富士卡係nano sim的，iphone5/iphone6都適用
基本上一插卡就可以用到，如果插卡後上唔到網大家可以跟返包裝上既教學去set一次。以下係iPhone上既示範：
1.如果插左卡，搜尋唔到Softbank，可以係設定入面既網絡選擇，熄左自動
2.等一陣就會load到唔到既電信商，再手動揀返Softbank，就可以上到網
3.都未上到既話，可以係設定入面既行動網絡check下係咪已經啟用3G同數據漫遊
4.再禁入行動數據網絡，係APN個行打「3gnet」，去到呢步應該已經可以上網了，想用iphone share wifi既話記住係個人熱點APN個行都打埋「3gnet」
富士卡係日本所使用既係軟銀Softbank既3G網絡，Softbank係日本既3G覆蓋範圍可以上呢度睇睇：http://mb.softbank.jp/en/romingin/zh/area.html
雖然呢張卡係大陸聯通所推出，但係上Facebook、Whatsapp、Youtube、Instagram等都無問題架！簡單一句即係無被block到，以1.8GB流量黎講，一般睇map、whatsapp、上Facebook肯定夠用，而且每日都會有SMS溫馨提示數據用量
至於大家比較關心既速度問題，可能因為自己係香港用慣4G，富士卡只有3G速度，加上所有data都會經一經香港聯通(ip address係香港聯通)先再去返日本，所以感覺上有些慢，Facebook多圖既話要慢慢等佢load下
大阪
京都
好多朋友都會比較Softbank同docomo邊間會收得好些，其實都幾睇地區，Softbank係市區都幾好，郊區就相對弱一些，總括而言，呢個價錢可以用7日已經抵過租wifi蛋唔少，對速度要求唔高既話可以一試！
