今次受到Club Med邀請去左佢地係東澳島新開既渡假村，體驗左一次豪華地中海式3日2夜之旅
先簡單講下Club Med同平時大家入住一般酒店同渡假村既分別，Club Med既賣點在於一個價錢已經包晒交通接送、住宿、每日三餐、飲品小食同一系列唔同既活動
東澳島雖然位於珠海，但其實離澳門更近，東澳島感覺似長洲同南丫島既一些離島，有海灘可以曬下太陽玩下水上活動，亦都可以行山踩單車等，島上人唔太多，暫時未算係熱門旅遊點
Club Med既價錢已經包左由香港到東澳島既來回船飛，由尖沙咀中港碼頭坐船到珠海，再轉坐Club Med專船入島，總交通時間約3小時，留意珠海轉船時可能要等一小段時間
到左東澳島會有專車接送，一到島上就看到Club Med 的G.O. (專門既招待人員)，佢地黎自唔同地方，歐美台韓東南亞甚至南非香港都有
專車送到酒店門口，大家可以隨時要求接送。對一家大細尤其係有長者同小朋友既家庭客最方便
大堂設計好寬敞同明亮
由大堂一望出去就係無敵既infinity Pool + Infinity既大海
今次Club Med安排左我入住5樓，朝早起身一開房門係走廊就係望住呢個景。天氣好時，完全係地中海小島既景色，完全諗唔到呢度其實只係離香港2－3小時船程就可以去到既地方
Club Med話晒係五星級既渡假村，未黎之前已經知道房間應該會好大同好靚，加上ClubMed 東澳島剛剛先開，所有設施都好新淨齊全，設計上亦唔會比人感覺似係大陸酒店。呢間係我所入住既房間，入房時忍唔住小開心左一下
房間外既景觀，有世外小島既感覺
坐係呢張椅再望住露臺個景，你就會明白寫意係點解
唯一奇怪既係，露臺外有個大浴缸，地中海的人大概比較開放吧？出面既人應該睇我唔到吧
浴室設計幾特別，空間感十足。向房既玻璃窗設有浴簾可以放落嚟
不過當見到呢間獨立式別墅既套房，雖然今次無安排我地參觀呢間套房內部環境，但單單見到個廳同獨立泳池都真係令我叫左一聲
酒店仲有另一邊會係7月先開，個大堂都好靚
房間的設計相對簡約，但基本上點影都咁大
房內既Mini Bar有齊一般酒店有既茶包水汽水杯面等等，全部都係免費。不過呢3日我除左飲左支水外，就無掂過係Mini Bar入面既野，因為行出去酒店內的Bar 酒水食物都係任飲任食，選擇更多
食物同飲品方面，相當有驚喜，完全唔係一般既質素，水準非常高。只係早餐比較一般，但仍有國內5星級酒店既水準
有大量既酒同飲品供應，今晚因為有Event所以排到好靚下，平時大家可以係Bar內order
自家製既麵包，新鮮既壽司刺身，唔同款式既小食甜品
Club Med另一賣點當然係非常齊全既設施同唔同種類既娛樂活動，之後我會另外寫多篇文章去介紹ClubMed東澳島既活動設施同究竟3日2夜可以玩啲咩呢
