Club Med係歐美算係知名既渡假村品牌，以陽光與海灘同滑雪渡假村為主。東澳島係Club Med係中國第三間渡假村，主打全包形式收費，又稱「精緻全包假期」。
上一篇介紹左東澳島Club Med既住宿飲食體驗，呢一篇就介紹一下玩樂設施
東澳島Club Med既設施都係以陽光與海灘為主，亦都有一些中國特色既設施，例如麻雀房
想Set個新造型出席夜晚既派對？呢度有間髮型屋
當然唔小得SPA啦，Club Med既Spa係L’Occitane 主理！我仲偷偷地賣甩大隊自己先去試左個30分鐘既SPA
Gym房一定會有，地方大設施都叫齊全，大家唔駛擔心，呢度唔會有人sell你買一世健身會藉，當日見到Pole Dance 同雙人瑜珈都有人參加緊
有專門比小朋友玩既Mini Club兒童俱樂部。小朋友係度會跟年齡分成唔同組別由導師照顧，家長可以放心去享受假期
室內泳池，天花連落地玻璃既設計唔錯
有兒童泳池，大人同小朋友可以親子同樂
另外仲有2個露天泳池
仲有酒吧同每晚既派對，Club Med既表演同派對唔係請外面既表演團體演出，而係由佢地自己既G.O.負責，所以你可能見到日頭教你健身，同你玩水上活動既朋友，夜晚變身成為舞者一齊狂歡
Club Med既G.O.黎自五湖四海，個個都好熱情
Club Med活動種類好多下，風帆，獨木舟，水上電單車(額外收費)，Pedal Boat，射箭，空中飛人，環島單車遊，行山等等，可以大玩特玩！(不過東澳島Club Med沙灘既水質就唔係太好)
唔想玩得太刺激，可以選擇去行山，約1.5小時既路程確保有足夠既運動量，但又唔會太辛苦。圖為島上有名既蜜月亭
呢個就係Club Med獨有既空中飛人，3層樓咁高，大人小朋友都玩得。
