想由香港直飛西雅圖既話，達美航空係唯一選擇，今次係我第一次去美國，第一次去西雅圖同第一次坐達美航空(Delta Air Lines)，一切經歷都好新奇
今次西雅圖Fam Trip，行程共5日，去程坐經濟艙，可能因為係美國既航空公司，坐位距離相對闊一些。回程有幸坐商務艙，座椅可以180度平躺，所以訓左足足6個鐘，有充足既休息
達美航空每日有一班香港飛西雅圖航班，去程飛行時間約為12小時35分，因為時差關係，午機出發同日上午到達西雅圖，落機仲有成日時間可以玩，所以係機上一定要叉足電
達美既check-in counter 係香港一號客運大樓(Terminal 1) D行段
自助check-in機，有工作人員係旁邊協助
因為早到既關係，唔駛點排隊寄行李。達美經濟艙可以免費托運2件23KG的行李同免費攜帶一件手提行李同一件個人物品。
(個人物品指公事包/相機袋/手提電腦袋或類似尺寸既行李)
係22號登機閘上機
以Airbus A330執飛
達美有個叫Comfort+(優悅經濟艙)既座位，買左經濟艙後可以網上加錢upgrade，比一般經濟座位前後距離多4吋空間，身材高大既朋友坐長途機唔想太辛苦既話可以考慮upgrade，仲有Priority Boarding
USB charging port
Sleeping Kits連水一支，由於去美國要係上機前過多一次安檢，唔可以帶水上機，所以呢支水真係好合適
飛機餐份量足夠，食飽飽即刻想訓覺
想睇有咩食可以上呢度望望：http://www.delta.com/content/www/en_US/traveling-with-us/onboard-experience/food-and-beverage.html
到達西雅圖機場仲係朝早
回程飛行時間約為14小時，坐下午3點機返香港，亦都因為時差關係，到香港時已經係第2日晚上8點
一落車就見到達美個入口
由於回程係坐Business Class既關係，可以經由Sky Priority Counter Check-in，當然快好多
排隊時仲有糖可以拎黎食。
過海關都係分2條隊，左邊premium快好多，3分鐘左右就過到
過完海關安檢係Terminal A，望清楚自己班機係Terminal A 定Terminal S，因為Terminal S係機場另一邊要坐接駁車，要預多少少時間(由Terminal A 過去Terminal S約10－15分鐘)
Delta Sky Club Lounge 真係好正，有私人自閉位，有酒吧，有咖啡，有沙律小食等等
Business Class座位寬敞係一定，張坐椅可調節角度非常高，去程坐Econ只係勉勉強強訓左3個鐘，但回程時舒服到可以訓足一個double時間
周邊設備亦非常完善，眼罩耳塞毛毯拖鞋潤膚膏等等一應俱全
Welcome Drinks其實可以揀香檳，但我當日太累揀左橙汁。
食物方面亦令人非常滿足，前菜，沙律，湯，牛扒，甜品，唔講以為自己係餐廳食緊大餐
整體飛行體驗唔錯，一改以往美國航空公司服務麻麻既印象，呢排飛美國既機票仲平過飛歐洲，值得大家去美國玩返轉！
