今次去西雅圖難得有機會入住一間五星級古典豪華的酒店，因為聽聞過係一間有番咁上下歷史既老酒店，本來無太大期望，但到入住後發現比想像中好，有驚喜。
Fairmont Olympic Hotel 原來係被列入左《國家史蹟名錄》的地標性建築，1924年開業至今九十幾年，但唔好以為好舊好殘，係保留原有的古典設計下，內外近年翻新過後都非常美觀，房間亦都整齊乾淨。
酒店落落係西確圖市中心帶，附近有好多百貨公司及大商場。行去知名的Pike Street Market搵史上第一間Starbucks都係15分鐘左右。
美國連建築都應該高大過人，酒店的外型非常有氣勢。
酒店係行意大利文藝復興風格的，所以感覺古典奢華，係大堂就可以感受到。
從細節位可以睇得出酒店的檔次同格調。
今次住的係套房，美式Size，非常寬敞。
門口玄關位大到夠跳舞。
衣櫃設備齊全，有充足的衣架、額外枕頭同被、拖鞋、保險箱、燙斗等等。
作為五星級酒店，茶包及咖啡機係必備的，每朝都會沖一杯醒神。
Welcome drink & fruit, 西雅圖出名的車厘子＋Stumptown Coffee = 無得輸。
浴室當然都好大，美中不足的係個浴缸太矮，不適合浸浴，雖然喜歡古典既風格，但浴室設施希望係更舒適既現代品。
留意美國的酒店係無牙刷牙膏供應的，要自備。但其他如洗頭水沐浴露護髮素潤膚露都有的，意外的係連漱口水都有。
Gym Room 同泳池的開放時間係5am到9pm，對於係美國餐餐食到飽到上心口的旅客，係好有必要的。
The Georgian餐廳，係西雅圖頂級餐廳之一，如果食得太多美國餐，就一定要試下呢間法國餐廳。
食過之後，我四處同朋友講，有機會去西雅圖一定要去試試呢間餐廳。
另外，原來呢間酒店招待過好多政要明星，酒店方特登帶我地去參觀佢地的總統套房。同其他酒店的分別係，呢間總統套房真係有好多總統住過，呢張檯，就有13任美國總統坐過。
人生第一次入總統套房，雖然無得住，但都好興奮。
而呢個宴會廳，平時係唔開放的，只用作Event用，曾經有印度的王貴騎住大象係呢道擺設婚宴。
酒店：Fairmont Olympic Hotel
地址：411 University Street, Seattle, Washington 98101, United State
