好多人會覺得上郵輪會好悶，只係岩退休人士，但郵輪上有唔同既娛樂設施，一班朋友又或者一家人上去悠閒下都唔錯架！今次受到麗星郵輪邀請參與天秤星號6日5夜宮古島及那霸(沖繩)既 FAM Trip；天秤星號最近以廈門為母港，所以呢個旅程係廈門上落郵輪。等我同大家分享下究竟郵輪上面有咩好玩啦。
郵輪上房間的種類
郵輪就好似流動酒店咁，訓之前同之後身處既位置已經會唔同左，而郵輪上面有唔同既房種，價錢都唔一樣，視乎返個人需求。
豪華套房
豪華海景客房
海景窗戶客房
海景舷窗客房
內側客房
郵輪上的膳食
咁係郵輪上面肚餓點算呢？你既早午晚餐甚至乎下午茶、宵夜，其實都已經包晒，你可以自由選擇去自助餐餐廳、中餐廳、西餐廳等醫肚；如果你想食得再豐富d，可以俾錢去收費餐廳食，絕對唔使怕餓親！
自助餐
額外付費既食品
其中一晚仲會有船長晚宴，可以係雞尾酒會飲返杯！
果晚仲可以近距離見到船長仲有其他郵輪上高級既職員
郵輪上的設備與活動
除左食同瞓係郵輪上仲可以做咩呢？
可以去打下籃球，唔知係海中央打波，準繩度會唔會高d呢？
可以係甲板吹下海風曬下太陽，坐低睇下書又得，嫌熱的話去泳池暢泳都唔錯
黃昏時候又可以係甲板上睇日落，望住一望無際既海，真係好愜意舒適
每晚晚餐後仲有唔同既表演睇
收費活動
另外有興趣仲可以參加付費既活動
可以參觀駕駛艙，了解下郵輪既運作
係郵輪上食左咁多餐，又可以去下參觀廚房
郵輪上仲可以理髮
做SPA，可以係一間房入面做，有埋自己洗手間，私隱度十足！
郵輪除左享受船上設施之外，當然唔少得落岸觀光啦，好多時郵輪公司都會提供岸上觀光團俾乘客報名，唔同行程價錢都唔一樣，如果你冇報名呢，變相落岸之後就自由活動喇
那霸岸上觀光
係那霸落岸去玩，黎到沖繩緊係望下個海先啦！
到訪魚市場
一嚐新鮮既海產
另外仲去左國際通，呢度又唔同大大小小既鋪頭，有排行呀！
宮古島岸上觀光
除左去那霸，呢次仲去左宮古島，宮古島係宮古諸島既主島，位於沖繩縣沖繩本島西南約 300 公里的太平洋上。
Ingya Marine Garden海灘，被喻為初學浮潛者的天堂，d 水真係好清呀！
東平安名崎，係宮古島具代表性既遊覽勝地，海天一色，好靚好舒服
平安名崎燈塔
係車上遊走伊良部大橋，全長3,540公尺，係日本唔收通行費既公共道路中，最長既橋樑
橋上周邊既景色一絕
後記
撇除悶，好多人仲會擔心係郵輪上會暈船浪，其實郵輪入面會有穩定器，減少搖晃；一般情況下，會感受到架郵輪郁動，但未至於會好暈，同埋如果有不適，都可以係櫃台拎到暈浪丸架！
郵輪係一種另類既旅遊方式，會有份悠閒無憂既感覺；當放慢腳步，身邊所有野都特別靚！如果有時間，郵輪假期係叉叉電既好選擇，但郵輪假期還郵輪假期，唔好同坐飛機去旅遊比較呀！
