話說上星期小編快閃去左胡志明市4日，都係為左食食食食食！
越南真係好啱「吃貨」去，由朝食到晚都唔使得你幾多錢，喺果邊絕對可以稱得上為土豪，唔睇價錢叫野食果種感覺係爽！
等小編輕輕highlight下成個trip啦！
行前準備：
簽證
去越南最重要係搞好簽證，簽證可以選擇上網搞，或者落地簽。落地簽平好多，咁我地當然選擇落地簽啦～落地簽的話就要係網上經agency搞左個preapproval先，USD8，再印齊曬所有文件帶過越南。
所需文件: preapproval 確認信、簽證申請表、2張4cmx6cm 證件相
preapproval 申請網頁：http://www.cheapvietnamvisa.net
落地簽證USD25，一落機行到去入境檢查果邊，就會見到個landing visa counter，係果度交曬文件passport俾職員，再等叫名。大概等左20分鐘就拎到落地簽證啦！大家亦可以睇返我地嘅【越南簽證教學】
換錢
係香港唱定美金過去，去到再係city center唱越南盾會比較抵。其中一個比較出名rate唔錯嘅就係中央郵政局入面呢間
另外一間係同起街就再抵d，冇手續費，不過其實都唔好爭好遠
行程攻略：
食極都唔停
Cafe Apartment
越南其中一樣好出名嘅就產品就係咖啡啦！喺胡志明市就有大大小小嘅特色cafes！如果你係咖啡愛好者，不妨去一轉 Cafe Apartment，成棟樓都係cafes任君選擇！
地址：42 Nguyễn Huệ, Bến Nghé, Quận 1, Hồ Chí Minh, Vietnam
Bánh Mì Huỳnh Hoa
另一樣小編推介嘅就係越南名物…越式法包Bánh mì！我地就去左號稱全胡志明最好食嘅Bánh Mì Huỳnh Hoa朝聖，遠遠就見到人龍同電單車龍，而且唔少都係本地人，咁即係…買得過！
地址：26 Lê Thị Riêng, Bến Thành, Quận 1, Hồ Chí Minh, Vietnam
其實野食就真係介紹唔完啦～大家可以睇返我地facebook 條片(insert link) 或者遲d留意下我地ig @meethkcom，會逐一介紹我地喺胡志明市食過d咩！
必去打卡位
紅教堂
開放時間：每日8:00-11:00,15:00-16:00；
地址：Duong Nguyen Du, District 1, Ho Chi Minh City, Vietnam
中央郵政局
Binh Quoi Tourist Village
Binh Quoi Tourist Village 雖然叫做tourist village，但唔個點解其實又冇咩遊客，哈哈！離District 1有d遠，由紅教堂果邊搭UBER過去要差唔多半個鐘，不過就真係幾靚～聽講一到星期六日就會多人咖啦！
購物去呢度
同起街
同起街比較多高級品牌，或者高級品牌A貨哈哈哈哈！雖然呢個係熱門景點，不過又唔係真係話好特別、好多野買，即係好似女人街咁，你會行下，但未必買到野。而且呢度就算係賣平嘅嘢，都比一般其他地方貴，所以小編都係建議大家window shopping下算！
都有d 賣特式野嘅舖頭嘅～
Lucky Plaza
lucky plaza 其實都係喺同起街，不過入面就比較平(但都係水魚價)，同埋可以講價！開價再劈一半都仲有得減…大家唔好被劏呀！2樓有超市，價錢都算OK。
Hello Weekend Flea Market
特別想同大家介紹呢個週末市集，真係好local，價錢都幾公道！衣物、飾品、特色飲品等等都有！唔少local ig shops 都係果度擺檔，有d以價錢黎講都幾高質！
地址：Đinh Tiên Hoàng, Đa Kao, Quận 1, Hồ Chí Minh City, Vietnam
檳城市場
檳城市場又係d「到此一遊」景點，即係又係女人街咁～小編就唔覺得果度有咩好買啦，而且都幾焗同埋幾逼。不過如果你真係有岩心水嘅嘢，就記得要講價，因為果度d嘢係十級水魚價黎！聽完價錢扮到冇興趣走人，佢地就會自動劈一半又多㗎啦(笑)
Le Loi
Le Loi 其實就喺檳城市場行過少少，都係有d特色小店、cafes咁，幾岩去買下小手信！
胡志明市交通要點搞？
香港<>胡志明市－Jetstar 體驗：
小編經過今次就覺得Jetstar以廉航黎講，座位都算闊，坐得幾舒服～
好多人都擔心話坐廉航會唔會唔安全呀、好容易delay呀咁樣。其實大家唔需要擔心，Jetstar雖然係廉航，不過其實係Qantas 澳航期下嘅，已經連續5年獲skytrax選為澳洲/大平洋地區最佳廉航，質素有返咁上下～而我地今次起飛都好準時呀！
而且廉航只係廉在於行李、餐飲、座位都需要加購，所以票價特別平。係絕對唔會因為係廉航而降低安全標準㗎，Jetstar都唔例外。例如今次我地15kg寄艙行李就需要加$125(訂機票時加埋)，後加會貴少少。
提供少少航班資料俾大家參考下：
香港<>胡志明市
每星期4班，逢星期一、二、五、六，由A320執飛。
去程：14:15-15:50
回程：09:35-13:15
一般票價未連稅$280起，但jetstar經常做優惠～如果撞啱優惠果陣買，票價可以低至$68！
除左越南胡志明市外，仲有超過80個航點，連接16個國家同地區。當中當然包括最受香港人歡迎嘅日本啦！
市內交通：
公共交通
巴士係最慳錢之選，車費只係5,000VDN咁上下
的士/UBER
其實胡志明市就算搭的士都好平，起標價12,000VDN，即係HK$4左右！不過搭的士要小心，Vinasun 白色車嘅司機就出名唔老實，網上一般都話搭綠色嘅的士穩陣d
我地就選擇左全程UBER！call UBER都好方便，而且越南UBER 可以揀俾cash，又可以睇住條路線，唔怕司機兜路！District 1 嘅景點其實都算近，即係大家可以由酒店call車去到第一個景點，景點同景點之間就行都OK！不過其實全程搭車，都唔貴，我地搭左最貴果程都係廿幾蚊港紙～
其實胡志明市唔需要花你好多日，三四日去hea下，嘆下咖啡都已經好夠啦！小編就講住咁多先啦～希望以上小小分享可以幫到大家！大定記得睇埋我地facebook段片<click here>，同埋follow 埋我地instagram @meethkcom，我地會逐一分享喺越南食過嘅美食！
