去台北，有唔少人都會選擇住係西門町或台北車站附近。今次三位小編去到台北，總共住左四間酒店！呢幾間酒店都係我地精心挑選而且係呢兩年新開或或裝修過既酒店，以下做左一個簡單嘅住宿體驗分享

1. Hotel PAPA Whale

地址：台灣台北市萬華區昆明街44-46號

呢間酒店今年重新裝修過，賣點係又平又靚，雙人房價錢低至$359一晚

【設計：7/10】

酒店外牆嘅鯨魚壁畫非常搶眼！房間都有唔少工業風嘅設計特色，小編今次住B1國際層，相對地少工業風嘅元素。房間大小適中，而且有國際插頭，唔記得帶轉插都唔驚！但係洗手間外牆係玻璃，外加一層拉簾，可惜個簾係外面就有啲尷尬！

【設施：8/10】

不過酒店大堂加唔少分！大堂公共空間好大，有唔少復古擺設，扮下文青打下卡都唔錯架！另外，大堂旁邊嘅小酒吧環境都幾好！

【位置：6/10】

住呢度食野買野都幾方便！酒店離西門站大約九分鐘步程，去西門町只需三分鐘。位置可以話係西門町尾段，唔會太嘈

2. 台北門精品旅店

地址：台北市中正區漢口街一段64號

2016年3月先開業，酒店一晚只需要大約$459，已經包左自助早餐，供應時間由早上7點至11點，食物同飲品款式都幾多！

【設計：8/10】

房間唔算大，有提供一般日用品，間格實用。有部分房間更有乾濕分離。

【設施：8/10】

設施方面有健身室、寬敞嘅公共空間，有提供24小時嘅咖啡同果汁，另外天台亦有唔少舒適嘅休憩空間

【位置：6/10】

酒店行去台北車站或西門站要十分鐘，唔算好近。但附近有便利店

地址：台北市中正區重慶南路一段20號

酒店2016年10月開業，唔少地方都好新淨！雙人房一晚$442起

【設計：7/10】【設施：3/10】

房間比較細，但都算五臟俱全，設計走輕工業風。而且房間有個大窗，感覺舒適。不過設施方面只有大堂提供少量零食及咖啡機。

【位置：8/10】

但勝在靜中帶旺！距離機場捷運站只需要行三分鐘，台北車站大約八分鐘左右，唔想拉住大件行李周圍走就岩啦！

地址：台北市中正區延平南路68號

呢間酒店有唔少專為小朋友而設既設施，岩哂一家人嚟住！雙人房價錢一晚$486起！

【設施：10/10】

酒店設施非常充足！最吸睛就係一部影相機，好似影貼紙相咁，選自己想要嘅相框，印出嚟後，就可以用旁邊嘅水筆裝飾下，一齊留返句「到此一遊」(下圖左上)！另外仲有自費嘅籃球機、氣墊球等。酒店雖然冇包早餐，但朝早會有簡單早餐(冬甩及三文治等)，同埋全日都有零食同飲品提供添！非常貼心！

酒店仲有兒童遊戲室同健身室，雖然地方唔大，但入面玩具/設施都算足夠，而且準備貼心！

【設計：7/10】

房間有齊基本既用品、乾淨整潔。可惜房間比較細，而且樓底都比較矮。雖然入住第二晚時，員工有主動替小編更換到空間較大嘅房間，但樓底矮亦感到一點壓逼感。而且房間只有幾盞射燈，比其他酒店房間暗

【位置：8/10】

位置方面，酒店附近有便利店，離西門站約六分鐘步程

－－－－－－－－－－－－－－－－－－－－－－－－－

整體嚟講，其實四間酒店各有優劣，而且今次分享都只係跟據小編嘅個人住宿體驗分享。大家選擇酒店時，可以多參考過往嘅住客評論，比較唔同酒店網站，同埋善用酒店優惠碼啊！

酒店網優惠代碼整合：http://www.meethk.com/?cat=4