近年台灣機票平到一個點，相信大家去台灣去到同出銅鑼灣無咩分別喇，吃喝玩樂外，小編介紹下Shopping優惠比大家啦。上年都介紹過嘅台北新開Outlet 「華泰名品城GLORIA OUTLETS」 做緊暑優優惠活動，如果暑假期間會過去台北，可以去睇睇佢地嘅夏季購物泡泡節，17間運動品牌4折起，其他牌子亦6折起。由各大高檔次嘅名牌到日常休閒運動衣物都搵得到，對購物狂嚟講絕對係非常有吸引力！
呢個Outlet係台北首個嘅美式露天Outlet，最邪惡嘅特點係鄰近桃園機場，5個捷運站約17分鐘距離，適合作為旅程嘅最後一站，買完就可以直接過機場飛返香港。
Outlet的詳細介紹可以參考小編之前的介紹：第一期開幕 及 第二期開幕
Outlet買野除左平之外，最緊都要係選擇夠多，款式唔會太舊，如果有留意之前小編嘅介紹就會知道呢個Outlet上年底先開左第2期，足夠行足半日，唔少牌子都有機會搵到比較新款嘅產品，所以小編有時出Trip回程時都會去睇睇搵唔搵到寶物～
而今次要加添夏季運動服飾嘅可以將目標放係運動及戶外休閒類別，如New Balance、Nike、Adidas、Arena、Columbia、Under Armour、The North Face、Converse等等，一系列的波鞋及跑鞋、涼感波衫或泳衣等等，最低做到4折，其他大部分產品亦在5至7折之間，非常吸引。不論係女子掃貨團或攜帶男朋友／老公一齊去，相信都唔難有收穫。
另外，相較半年前，6月份亦多左英國休閒鞋Fitflop及香港仲未有嘅英國本土品牌AllSaints 進駐，未到過的朋友想睇睇成個Outlet有咩牌子，亦可以到佢地網站望望完整Brand list 同地圖，望望有咩心頭好。
相比一般嘅shopping mall特價就人山人海嘅情況，呢個outlet會比較適合一家人去，除左本身係比較family friendly嘅因素外（有兒童遊樂區又或帶住BB車等都方便出入），星期六日去嘅話會發現有個有個奇幻泡泡Show ，又帶住小朋友嘅話（又或者你本身仲係充滿童真嘅過期小朋友），下午5點半到6點時，可以去噴水池廣場附近照相打卡，除左有大量大型泡泡外，仲會有小丑表演魔術互動。
Shopping到累時，想搵D好野食充充電，除左之前介紹過嘅Movenpick、雞玉錦拉麵、叄和院外，最近多左間地道嘅台南石頭火鍋『鮮の鍋物』進駐，不過夏天我都係會建議選擇去Movenpick 食甜品雪糕…
其他優惠：小編之後係佢地網站亦見到一個Marstercard嘅優惠，帶效至12月31日，旅客憑卡及護照可見兌換到超過40個品牌優惠，小編無換過，不過估計應該係coupon之類嘅優惠，大家亦不妨換嚟睇下。
另外，網頁亦有其他進行中嘅優惠介紹：https://www.gloriaoutlets.com/chi/news_list/，大家出發掃貨前可以留意一下當日有無特殊優惠。
地址：桃園市中壢區春德路189號 （地圖）
營業時間：星期日至四10am-9pm；星期五、六及公眾假期10am-10pm
電話： ＋886 (03) 273-8666
交通：https://www.gloriaoutlets.com/chi/traffic/#smap高鐵桃園站6號出口 或 桃園國際機場捷運A18站2號出口
