又到聖誕，提早考慮會買乜禮物比自己同親友，最近又會去開台灣嘅，小編又為大家介紹位於台北桃園的GLORIA OUTLETS 聖誕優惠情報啦！Follow得耐嘅的朋友可能有印象小編都經常去呢個Outlet ，如果有開去台北，回程時可以提早少少到桃園機場附近呢個Outlet睇睇，話唔定可以幫你慳返唔少買聖誕禮物嘅錢。
之前介紹過呢個係一個大型美式露天Outlet，開左3年，有過百個國際品牌進駐，平時常見3-4折的outlet價已經非常吸引，今次聖誕優惠（到1月1日）部分於聖誕優惠期間更低至2折！而且並唔係咩不知名的牌子，係大家熟悉的牌子如：Armani、Ferragamo、Adidas、Nike、Hugo Boss、Coach、Gucci、Michael Kors、Timberland、Dunhill、Levi’s、Folli Follie、Ralph Lauren、CK、New Balance、Vans、Columbia等，類型包括時裝、運動、鞋、Luxury、嬰幼兒用品，非常齊全。（完整Shop list)
Outlet內一般無特別標明嘅都有正價5-7折，但今次聖誕推廣，唔少低見4折甚至2折嘅極低價，好似下圖中嘅Michael Kors嘅鏈包組，就做緊4.5折 ！對住呢D價位，真係好難全身而退…如果要買比親友嘅，去旅行買埋返去做手信＋禮物件兩用又得。網頁亦有其他進行中嘅優惠介紹：https://www.gloriaoutlets.com/chi/news_list/，大家出發掃貨前可以留意一下當日有無特殊優惠。 （以下為官網圖片）
而除左常見的名牌外，運動休閒類嘅牌子亦有唔少，The North Face、Timberland、New Balance、Nike、Levi’s…而且除了本身折扣外，outlet 內最驚喜嘅係，唔少牌子有放D比較新或outlet獨有商品，一反outlet只有舊款清倉嘅印象。
另外outlet呢段時間 （聖誕期間）主打「好買、好玩、好吃、好拍」，除左掃貨同飲食外，整體佈置亦有所提高，夜晚去打卡嘅話，仲會有飄雪噴灑效果，特別建議係露天聖誕市集打卡，除左有身處聖誕村嘅感覺，仲有唔少美食同精品小店可以一邊行一邊掃街。
市集主要各國風味小食同聖誕精品，如韓國當紅街頭美食「Street Churros吉拿圈」、台灣本土懷舊麻油雞米糕「樹年號」、文青早午餐店「暖暖禾食」、等； 買的有各種精品周邊、設計款香氛蠟燭，聖誕禮包等。
另外如果你好似小編咁去旅行時會寄張明信片比自己同朋友的話，呢段期間園區內仲有個郵寄位置，非常方便。 小編都寄左張比同事，寫呢篇介紹時已經收到。
最後溫馨提醒，如果帶住行李去，記得係園區內搵個locker放底先慢慢行，locker空間算大，放到一個29″嘅旅行箱。
再同大家介紹一下交通方式同點去先，GLORIA OUTLET係桃園機場附近，如果係台北車站出發，可以選擇高鐘或機場捷運，坐高鐵會比較快（約20分鐘就到），高鐵桃園站出，7號出口對面就係。如果選擇坐捷運，就記得中途轉Express(直達車）會比較快，又如果你係機場坐的士就10-15分鐘車程。
網址：https://www.gloriaoutlets.com/
地址：桃園市中壢區春德路189號 （地圖）
營業時間：星期日至四10am-9pm；星期五、六及公眾假期10am-10pm
電話： ＋886 (03) 273-8666
交通：https://www.gloriaoutlets.com/chi/traffic/#smap
高鐵桃園站6號出口 或 桃園國際機場捷運A18站2號出口
