上次小編就介紹咗大家坐特急電車至東武日光站，今次由車站出發向西行，帶你食勻日光米芝蓮餐廳！
行係曾經喺《頭文字D》出現嘅伊呂波坂，攀上奧日光地區，呼吸每一口空氣都特別清新。無他，身處海拔1269米嘅半山之中，氣溫比東京城內涼快8度咁多架！
神山、湖泊同瀑布，大自然係奧日光最好嘅觀光資源，更加受法例保護為不能過度開發之地，難怪一直深受各國駐日領事喜愛，紛紛喺奧日光興建別墅，至今奧日光仍然係各大度假酒店品牌爭相插旗之地，奧日光唔少名勝更獲收入《綠色版米芝蓮指南》之中。
全日本最高湖泊
一抵達奧日光，中禪寺湖嘅一片水色就喺眼前展開。哩個位於過千海拔以上嘅湖泊，喺由約2萬年前男體山嘅爆發而形成，一望無際嘅湖泊一周有成25公里！與男體山組成代表奧日光嘅風景。建議乘上中禪寺遊覽船欣賞四季刻劃的風景，當中就以初夏嘅杜鵑同秋日嘅紅葉最迷人啦！
中禪寺湖遊覽船
地址：栃木県日光市中宮祠2478-21
網址：http://www.tobujapantrip.com/tcn/tourism/nikko_kinugawa/3.html
註：持日光廣域周遊券可免費乘搭
從上至下賞飛瀑
日光大大小小嘅瀑布一共有48個咁多！當中最出名嘅就係華嚴瀑布啦！同一般要行入深山先觀賞到嘅瀑布唔同。由於華嚴瀑布係中禪寺湖嘅水由湖邊岸壁往下衝，已經抵達同中禪寺湖同一水平嘅大家，會先從高處俯瞰瀑布之巔，再坐電梯往下到近瀑布底，喺另一角度感受由97米高處飛流直下嘅瀑布所帶嚟嘅水花同震撼！唔少人都認為華嚴瀑布係全日本最有氣勢嘅瀑布觀光地嚟架！一定唔可以錯過！
華嚴瀑布
地址：栃木県日光市中宮祠
90分鐘全景纜車
遊過湖，睇過瀑布，不如就去行山啦！喺奧日光，要登山其實冇想像中辛苦～只要到第二伊呂坂嘅最高處明智平，坐上纜車就可以輕輕鬆鬆攀登373米，到達茶之木平沿散步道郊遊，或喺觀景台將華嚴瀑布、中禪寺湖及男體山嘅絕景盡收眼底。比起一般纜車，去程約90分鐘嘅車程睇落好似頗長，但沿途可以欣賞到群山風景，所以秋日楓紅季嘅時候深受大家歡迎架！春天到訪就記得要喺茶之木平觀景台出發行20分鐘到鐵塔附近，就可以睇到滿眼粉紅，喺山間八潮杜鵑嘅最佳觀賞點～
明智平纜車
地址：栃木県日光市細尾町深沢709-5
網址： http://www.tobujapantrip.com/tcn/tourism/nikko_kinugawa/11.html
註：持日光廣域周遊券可免費乘搭
日光交通資訊
睇完介紹，想知點樣去？就等小編話你知！
由東武淺草站乘搭特急電車至東武日光站，車程約2小時。
海外旅客仲可以喺東武淺草站旅客中心購買「
一票包括淺草至日光來回車票(憑周遊券特急收費可享8折優惠)、鐵道及巴士指定區間車票(廣域券包括免費乘坐空中纜車及遊覽船)，兼享指定淺草嘅手信店及日光地區嘅遊樂設施嘅折扣優惠架！
詳情請參閱：http://www.tobu.co.jp/foreign/tcn/pass/all.html