日光嘅地道美食林林種種，全都都同日光山嘅名水有關，好有特色架！
由經典到新築Cafe，全部任君選擇！跟住小編介紹去搵食啦！
不一樣的湯波腐皮
神社文化總會影響到周邊嘅飲食習慣，例如日光就以湯波(腐皮)著名，相傳就係因為湯波係當地僧人嘅主要糧食，加上日光好山好水，造就咗製作豆品同湯波嘅最佳條件。同京都嘅「湯葉」唔同，日光嘅湯波呈波浪形而得名，亦較有口感。喺湯波嘅日本料理專門店，可試到用蒸、煮、炸等唔同手法烹調同調味嘅湯波料理，而日光市內更加有湯波炸饅頭、湯波丼等有趣選擇架！有時間仲可以去參觀埋湯波工場，體驗湯波製作。
名產的手打蕎麥麵
日光被稱為「蕎麥麵街道」，全因哩到唔單上係全日本數一數二嘅高品質蕎麥粉出產地，亦坐擁名水。單喺日光市內，以手打蕎麥而口碑載道嘅店就有多達100間以上。日光蕎麥麵美味嘅秘密，在於材料之外仲因為職人嘅秘傳打麵技巧 ，以將大自然恩賜嘅美味發展至最大限。每年秋天，當地更會舉行「新蕎麥祭」，等大家一齊分享新蕎麥麵嘅美味。
究極之天然冰刨冰
香港人對「天然冰刨冰」或者有啲陌生，但日本人對刨冰嘅熱愛同講究，就衍生咗哩款究極之刨冰嘅出現！
日光嘅刨冰店活用冬日嚴寒嘅天氣，用上天然水喺天然環境中花14至20日，製作出透明而不易溶解嘅冰塊，哩種天然冰可以話係刨冰中最講究嘅選材。現時喺日光無論係遊樂設施、餐廳、Cafe或茶屋，都搵到天然冰刨冰，但有心尋最好嘅話就建議大家到訪傳統冰室，此冰室唔同香港冰室，係專食冰嘅專門店，當中著名嘅「松月冰室」提供逾20款口味，但無論係經典嘅「昔日駄菓子屋」或同時令水果共享，鬆軟即溶嘅刨冰本身先係重點呀！
神木製Cafe
喺神橋附近，有一間cafe靜待喺森林之中。本宮Cafe嘅小木屋係由330年嘅古民家改建，屋入面嘅木造地板同吧枱全部用上二荒山神社境內嘅「御神木」製作！加上每個座位唔同嘅懷舊傢俬，令小店充滿溫暖at home感，最適合喺參觀二社一寺嘅前後作小休之用。
哩度最出名嘅係曾經喺電視劇中登場嘅麵包周打蜆湯，以原條金谷Bakery製作嘅鬆軟麵包盛載熱騰騰嘅濃湯，可喺飲用部分湯後手撕出輕烤過嘅麵包同食，美味又暖胃。唔餓嘅話，簡簡單單一杯季節限定嘅士多啤梨特飲或House blend coffee加甜點，都好滿足呀！
日光交通資訊
睇完介紹，想知點樣去？就等小編話你知！
由東武淺草站乘搭特急電車至東武日光站，車程約2小時。
海外旅客仲可以喺東武淺草站旅客中心購買「
一票包括淺草至日光來回車票(憑周遊券特急收費可享8折優惠) 、鐵道及巴士指定區間車票(廣域券包括免費乘坐空中纜車及遊覽船)，兼享指定淺草嘅手信店及日光地區嘅遊樂設施嘅折扣優惠架！
詳情請參閱：http://www.tobu.co.jp/foreign/tcn/pass/all.html